आठवड्याची शेअरबाजाराची सुरुवात तेजीने

निफ्टी 111 अंकांनी वधारला : फार्मा निर्देशांक चमकला

वृत्तसंस्था/ मुंबई

होळीच्या दीर्घ सुटीनंतर सोमवारी शेअरबाजारात तेजी अनुभवायला मिळाली. सेन्सेक्स 341 अंकांनी वाढत बंद झाला. फार्मा आणि ऑटो समभागांची चमकदार कामगिरी दिसून आली. सोमवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 341 अंकांनी वाढत किंवा 0.46 टक्के चढत 74,169.95 अंकांवर बंद झाला तर राष्ट्रीय शेअरबाजाराचा 50 समभागांचा निफ्टी निर्देशांक 111 अंकांनी वाढत चढत 22508.75 च्या स्तरावर बंद झाला.

हे समभाग चमकले

सोमवारी पाहता निफ्टीतील डॉ. रे•िज लॅब्जचा समभाग सर्वाधिक वधारलेला होता. समभाग 3.86 टक्के वाढत 1151 च्या स्तरावर बंद झाला. तर दुसरीकडे बजाज फिनसर्व्हचा समभाग 3.55 टक्के वाढत 1872 आणि एसबीआय लाइफचा समभाग 3.52 टक्के वाढीसह 1434 च्या स्तरावर बंद झाला. टाटा समूहातील ट्रेंटचा समभाग 2.74 टक्के वाढत 5160 रुपयांवर बंद झाला आणि अॅक्सिस बँकेचे समभागही 2.38 टक्के वाढत 1034 च्या स्तरावर बंद झाले.

हे समभाग घसरणीत

दुसरीकडे आयटी क्षेत्रातील समभागांमध्ये सोमवारीही दबाव होता. विप्रोचे समभाग 1.58 टक्के घसरत 259 रुपयांवर बंद झाले तर बीपीसीएलचे समभाग 1.14 टक्के घसरत 261 रुपयांवर स्थिरावले होते. ब्रिटानियाचे समभाग 1.13 टक्के घसरत 4675 रुपयांवर तर हिरो मोटोकॉर्पचे समभाग 1.03 टक्के घसरत 3493 रुपयांवर खाली आले होते. आयटीसीचा समभागही 1 टक्के इतका घसरलेला होता.

क्षेत्रांवर नजर टाकली असता निफ्टी फार्मा 1.56 टक्का इतकी तेजी राखून होता. तर याला साथ देणाऱ्या ऑटो निर्देशांकाने सोमवारी 0.91 टक्के इतकी तेजी राखली होती. बँक निफ्टी निर्देशांकही 0.61 टक्के वाढीसह 48,354 अंकांवर बंद झाला. एफएमसीजी, आयटी निर्देशांक मात्र काहीसे घसरणीत होते. जागतिक सकारात्मक संकेताचा भारतीय बाजाराला लाभ झाला.