बॅरिकेड्स हटविण्याबाबत पोलीस आयुक्तांना निवेदन

बेळगाव : टिळकवाडी येथील बॅरिकेड्स हटाव संघटनेने संविधान दिनादिवशी पोलीस आयुक्त भूषण गुलाबराव बोरसे यांची भेट घेतली व बॅरिकेड्स हटविण्याबाबत निवेदन दिले. आयुक्तांनी वाहतूक सुधारणा, ट्रॅफिक सिग्नल, रेल्वे ओव्हरब्रिज या सर्वांचा तपशील सदस्यांसमोर सादर केला. दरम्यान, सदस्यांनी आयुक्त कार्यालयाच्या समोरच बॅरिकेड्स हटाव अशी घोषणा देत आंदोलन करण्यात आले. यामध्ये सुभाष घोलप, सुमंत धारेश्वर, अजित नाईक, एम. बी. हुगार, मनोहर रोकडे, श्रीकांत कदम, दीपक गवंडळकर, अनंत पाटील, नजीर कोतवाल, उदय महागावकर, वसंत शिंदे, शिवाजी पाटील यांचा सहभाग होता.