दहावीचा निकाल येत्या दोन दिवसांत

बेंगळूर  : एसएसएससी परीक्षा 1 च्या उत्तरपत्रिका तपासणीचे काम पूर्ण झाले असून काही  तांत्रिक कामे सुरू आहेत. आगामी दोन ते तीन दिवसांत निकाल जाहीर करण्यात येणार असल्याचे शालेय परीक्षा- मूल्यमापन मंडळाने म्हटले आहे. 21 मार्च ते 4 एप्रिलपर्यंत दहावीची परीक्षा झाली होती. 1 मे रोजी कामगार दिनानिमित्त सार्वत्रिक सुट्टी आहे. 2 किंवा 3 मे रोजी निकाल जाहीर होईल.  निकाल जाहीर करण्याची सर्व तयारी करण्यात आली आहे. परीक्षेसाठी 8.93 लाख विद्यार्थ्यांनी नोंदणी केली होती.