‘पति पत्नी और वो 2’मध्ये श्रीलीला

अनन्याला मिळणार नाही स्थान

‘पति पत्नी और वो 2’ हा चित्रपट दीर्घकाळापासून चर्चेत राहत आहे. या चित्रपटाचे चित्रिकरण लवकरच सुरू होणार आहे. कार्तिक आर्यन आणि भूमी पेडणेकर यांचा 2019 मध्ये प्रदर्शित चित्रपटातचा सीक्वेल असणार आहे. हे दोन्ही कलाकार या सीक्वेलमध्ये असतील. तर अनन्या पांडेला या चित्रपटात स्थान मिळणार नाही. तिच्याऐवजी एका दाक्षिणात्य अभिनेत्रीचे नाव समोर आले आहे.

श्रीलीलाची चित्रपटातील दुसरी अभिनेत्री म्हणून निवड करण्याचा विचार निर्मात्यांनी चालविला आहे. श्रीलीला ही स्वत:च्या प्रभावी अभिनयासाठी ओळखली जाते. श्रीलीलाने अलिकडेच ‘गुंटूर कारम’ या चित्रपटात महेश बाबूसोबत अभिनय केला होता. श्रीलीला याचबरोबर इब्राहिम अली खानसोबत ‘दिलेर’ या चित्रपटात मुख्य भूमिका साकारत आहे.

मूळ चित्रपट ‘पति पत्नी और वो’ हा स्वत:ची प्रासंगिक कहाणी आणि हास्याच्या पेरणीमुळे गाजला होता.  कार्तिक आर्यन या चित्रपटाच्या सीक्वेलवरून उत्साहित आहे. दिग्दर्शक मुदस्सर अजीज यांनी या कहाणीत नावीन्य राहणार असल्याचा दावा केला आहे. आता या चित्रपटाची कहाणी एका महिलेच्या दृष्टीकोनातून मांडली जाणार असल्याचे मानले जात आहे.