रक्तदाता दिनानिमित्त रक्तदान शिबिराला उत्स्फूर्त प्रतिसाद

बेळगाव : जागतिक रक्तदाता दिनानिमित्त जायंट्स ग्रुप ऑफ बेलगाम प्राईड सहेली व एनएक्सटी लेव्हल फिटनेस यांच्या संयुक्त सहकार्याने रक्तदान व नेत्रतपासणी शिबिर बुधवारी झाले. रक्तदान शिबिरात पुरुष आणि महिलांनी भाग घेतला होता. एकूण 78 युनिट रक्त संग्रहीत करण्यात आले. रक्तदान करणाऱ्यांत प्राईड सहेलीच्या सदस्या आरती शहा, जिग्ना शहा, अक्षता व खुशी शहा यांचाही सहभाग होता. त्यानंतर झालेल्या मोफत नेत्रतपासणी शिबिरामध्ये 60 जणांची नेत्रतपासणी करून सल्ला देण्यात आला. यावेळी युनिट संचालिका आरती शहा, आयपीपी मोनाली शहा, अध्यक्षा जिग्ना शहा, डीए अस्मिता जोशी, दीपाली कुरी, सुधा, रागिणी, अक्षता यांसह एनएक्सटी लेव्हल फिटनेसचे संतोष व सदस्य उपस्थित होते.