उत्तर भारतीय प्रवाशांसाठी नैर्त्रुत्य रेल्वेची विशेष फेरी

बेळगाव : उन्हाळी सुट्यांनिमित्त नैर्त्रुत्य रेल्वेने उत्तर भारतात जाणाऱ्या प्रवाशांसाठी हुबळी-अहमदाबाद विशेष रेल्वेफेरी सुरू केली आहे. या एक्स्प्रेसच्या एकूण पाच फेऱ्या होणार असून बेळगावमधून धावणार असल्याने बेळगावसह मिरज येथील प्रवाशांनाही लाभ होणार आहे. हुबळी-अहमदाबाद-हुबळी ही एक्स्प्रेस 28 एप्रिल ते 26 मे दरम्यान धावणार आहे. रात्री 8 वाजून 30 मिनिटांनी हुबळी येथून निघालेली एक्स्प्रेस रात्री 10 वाजून 30 मिनिटांनी बेळगावला पोहोचेल. तर दुसऱ्या दिवशी रात्री 8 वाजून 20 मिनिटांनी अहमदाबाद येथे पोहोचेल. ही एक्स्प्रेस धारवाड, लोंढा, बेळगाव, घटप्रभा, मिरज, सांगली, सातारा, पुणे, कल्याण, वसई, भोईसर, वापी, सुरत, वडोदरा, आनंद या रेल्वेस्थानकांवर थांबणार आहे.