बेळगाव विमानतळावर स्केटर देवेन बामणेचा सत्कार

बेळगाव : कोरिया येथे पार पडलेल्या 20 व्या एशियन स्पर्धेत भारतीय संघातून निवड झालेला बेळगांवचा स्केटर देवेन बामणे यांनी चमकदार कामगिरी करत 8 व्या स्थानपर्यंत मजल मारली. त्याचा बेळगाव विमानतळावर  सत्कार करण्यात आला. बेळगाव विमानतळावर आगमन होताच विमानतळ प्रशासन प्राधिकरना तर्फे स्वागत व सत्कार एस. त्यागराजन (बेळगांव विमानतळ संचालक), ब्रह्मानंद रेड्डी (विमानतळ टर्मिनल व्यवस्थापक एएआय बेळगांव) बेक्कल, कौशिक यांच्या उपस्थित हार व पुष्फगुच्छ देऊन सत्कार करण्यात आला. यावेळी बेळगांव जिल्हा रोलर स्केटिंगचे प्रशिक्षक सुर्यकांत हिंडलगेकर यांनी त्याला शॉल व हार घालून त्याचे अभिनंदन केले व त्यांच्या पुढील वाटचालीस शुभेच्छा दिल्या. यावेळी देवेनचे आई ज्योती बामणे, वडील विनोद बामणे, लीना कोरिशेट्टी, बसवराज कोरिशेट्टीr, स्मिता मेंडके, श्रीकांत मेंडके, शिवराज, नैना शिवराज, बेळगांव जिल्हा रोलर स्केटिंग संघटनेचे स्केटर्स व पालक वर्ग मोठ्या प्रमाणात उपस्थित होते.