‘सिनर्स’चा ट्रेलर प्रदर्शित

भयपट चित्रपट ‘सिनर्स’चा ट्रेलर जारी करण्यात आला आहे. मायकल बी जॉर्डन या आगामी चित्रपटात स्वत:चा दमदार अभिनय दाखवून देणार आहे. सोशल मीडियावर या चित्रपटाची मागील काही काळापासून चर्चा सुरु आहे.

ब्लॅक पँथर, फ्रूटवेल स्टेशन आणि क्रीड यासारखे हिट चित्रपट दिल्यावर जॉर्डन आणि रयान कुगलर (दिग्दर्शक) यांनी पुन्हा एकदा एकत्र येत हा भयपट प्रेक्षकांसमोर आणण्याची तयारी केली आहे. वॉर्नर ब्रदर्सकडून जारी ट्रेलरमध्ये चित्रपटातील कलाकार अज्ञात गोष्टीच्या भीतीशी लढताना दिसून येत आहेत. चित्रपटाची कहाणी दोन भावांची असुन जे स्वत:च्या समसया मागे सोडत स्वत:च्या मूळढ शहरात परतण्याचा प्रयत्न करत असतात.

मायकल बी जॉर्डनसोबत चित्रपटात हॅली स्टेनफेल्ड, वुन्मी मोसाकू, डेलरॉय लिंडो, जॅक ओकोनेल, जेमी लॉसन आणि ओमर बेन्सन  मिलर, ली जुन ली, लोला किर्के, माइल्स कॅटन, याओ, पीटर ड्रेमेनिस हे कलाकार दिसून येणार आहेत. हा चित्रपट 7 मार्च रोजी प्रदर्शित होणार आहे.