श्वेताची राष्ट्रीय स्पर्धेसाठी निवड

वार्ताहर/सांबरा

सार्वजनिक शिक्षण खाते आयोजित राज्यस्तरीय क्रीडा स्पर्धेत बसरीकट्टी येथील श्री महालक्ष्मी हायस्कूलची विद्यार्थिनी श्वेता हंजूरने बेंगळूर येथील कंठीरवा स्टेडियम मध्ये झालेल्या थाळीफेकमध्ये रौप्यपदक पटकविले आहे. या स्पर्धेत तिने चांगली कामगिरी केली आहे. त्यामुळे तिची उत्तर प्रदेशमधील लखनौ येथे होणाऱ्या राष्ट्रीय स्पर्धेसाठी निवड झाली आहे. तिला मुख्याध्यापक पी. जी. गावडे व क्रीडा शिक्षक ओमकार पाटील यांचे मार्गदर्शन व प्रोत्साहन लाभत आहे.