श्रावणी मस्कारला हातोडाफेकमध्ये सुवर्ण

बेळगाव : शिक्षण खात्याच्यावतीने आयोजित जिल्हा क्रीडांगणावर झालेल्या जिल्हास्तरीय स्पर्धेमध्ये मराठा मंडळ, जिजामाता हायस्कूलची विद्यार्थिनी श्रावणी केशव मस्कारने हातोडाफेकमध्ये सुवर्णपदक तर गोळाफेकमध्ये कास्यपदक पटकाविले. हातोडाफेकमध्ये बेंगळूर येथे होणाऱ्या राज्यस्तरीय स्पर्धेसाठी तिची निवड झाली आहे. श्रावणीला शारीरिक शिक्षक अश्विनी पेटकर यांचे मार्गदर्शन तर संस्थेच्या अध्यक्षा राजश्री नागराजू, मुख्याध्यापक एन. डी. पाटील यांचे प्रोत्साहन लाभत आहे.