नेमबाजी निवड चाचणी स्पर्धा भोपाळमध्ये

वृत्तसंस्था/ भोपाळ

आगामी पॅरिस ऑलिम्पिक स्पर्धेसाठी भारतीय चमूमध्ये स्थान मिळविण्याकरीता येथे शनिवारपासून ऑलिम्पिक निवड चाचणी 3 व 4 पिस्तुल रायफल नेमबाजी स्पर्धेला पुढे प्रारंभ केला जाणार आहे.

या स्पर्धेमध्ये भारताचे एकूण 37 नेमबाज सहभागी होत आहेत. पॅरिस ऑलिम्पिक स्पर्धेसाठी आतापर्यंत कोटा पद्धतीनुसार भारताच्या 16 नेबाजांनी आपले स्थान निश्चित केले आहे. शनिवारपासून येथे सुरु होणाऱ्या ऑलिम्पिक निवड चाचणीत पिस्तुल आणि रायफल नेमबाजी प्रकारात पहिल्या दिवशी पुरूषांच्या 25 मी. रॅपीड फायर पिस्तुल तसेच महिलांच्या 25 मी. पिस्तुल टी 3 पात्र फेरीसाठी लढती होतील. त्यानंतर रायफल पिस्तुल वैयक्तिक नेमबाजी प्रकारात पात्र फेरीसाठी सामने होतील. भारताचे मनू भाकर, ईशा सिंग आणि रिदम सांगवान यांच्या कामगिरीवर विशेष लक्ष राहिल. पुरूषांच्या रॅपिड फायर पिस्तुल नेमबाजी प्रकारात अनिश बनवाला आणि विजयवीर सिधू सहभागी होत आहेत.