शिवसेना ठाकरे गट आणि शिवसेना शिंदे गटात वादावादी
कोल्हापूरः
कोल्हापूरात विधानसभा निवडणूक मतदानादिवशी राजकीय वातावरण तापले. शहरातील कसबा बावडा परिसरात तणावाचे वातावरण निर्माण झाले आहे. येथे शिवसेना ठाकरे गट आणि शिवसेना शिंदे गटात किरकोळ वाद झाल्याने ही परिस्थिती निर्माण झाली.
कसबा बावड्यातील एका मतदान केंद्रानजिकच्या बुथजवळ ही घटना घडली. सुनिल जाधव हे शिंदे गटाचे कार्यकर्ते आणि राहुल माळी हे ठाकरे गटाचे कार्यरते यांच्यामध्ये किरकोळ कारणावरून बाचबाची झाली.
घटनास्थळी आमदार सतेज पाटील यांनी तात्काळ भेट देऊन कार्यकर्त्यांना शांत राहण्याचे आवाहन केले. पुढच्या बाजूने उचकवायचा प्रयत्न केला जात आहे. आपला विजय निश्चित आहे. त्यामुळे कार्यकर्त्यांनी शांत राहून मतदान प्रक्रिया शांततेने पार पडू द्यावी असे आमदार पाटील म्हणाले.
दरम्यान कसबा बावड्यात ठाकरे गट आणि शिंदे गट पुन्हा आमने-सामने आले. यावेळी मी प्रत्येक गोष्टीचा हिशोब चुकता करणार असल्याचा इशारा आमदार सतेज पाटील यांनी राजेश क्षीरसागर यांना दिला आहे.