‘हिसाब’मध्ये जयदीपसोबत शेफाली

विपूल अमृतलाल शाह आता स्वत:चा नवा चित्रपट ‘हिसाब’द्वारे एक नवा प्रयोग प्रेक्षकांसमोर मांडणार आहेत. या चित्रपटात अभिनेता जयदीप अहलावत तसेच शेफाली शाह मुख्य भूमिकेत असणार आहेत. विपूल अमृतलाल शाह यांच्याकडे दरोड्याच्या रोमांचक कहाण्या पडद्यावर साकारण्याची प्रतिभा आहे. त्यांचा नवा चित्रपट हिसाब देखील रोमांचक असणार आहे. हिसाब एक नव्या हीस्ट युनिव्हर्सची सुरुवात करणार असल्याचे मानले जात आहे.

‘आंखे’ या चित्रपटाच्या यशानंतर विपूल अमृतलाल शाह यांनी आणखी एका दरोड्यावर आधारित चित्रपटाची कहाणी प्रेक्षकांसमोर आणण्याचा निर्णय घेतला आहे. तसेच ते भविष्यातील चित्रपटांसाठी आणखी काही दरोड्याच्या कहाण्या शोधत आहेत.

अमिताभ बच्चन आणि अक्षय कुमार समवेत त्यांनी ‘आंखे’ हा चित्रपट निर्माण केला होता. हा चित्रपट बॉक्स ऑफिसवर यशस्वी ठरला होता. याच्या यशामुळे धूम, क्रू, मनी हीस्ट आणि हॅप्पी न्यू ईयर यासारख्या अन्य चित्रपटांसाठीचा मार्ग मोकळा झाला होता. आता विपूल शाह हे हिसाब या चित्रपटासोबत स्वत:च्या या शैलीला पुढे नेणार आहेत.

शेफाली शाह या आगामी सस्पेंस थ्रिलरपटात अभिनय करणार आहे. या चित्रपटाचे दिग्दर्शन तिचा पतीच करणार आहे. चित्रपटात जयदीप अहलावत देखील महत्त्वाची भूमिका साकारणार आहे. शेफाली शाह अलिकडच्या काळात दिल्ली क्राइम, जलसा आणि डार्लिंग्स यासारख्या प्रोजेक्टमध्ये दिसून आली असून यातील तिच्या अभिनयाचे कौतुक झाले आहे.