तेल, वायु क्षेत्रातील कंपन्यांचे समभाग वधारले

मुंबई :

शेअरबाजारात मंगळवारी तेल कंपन्यांचे समभाग तेजी राखून होते. यामध्ये ओएनजीसीचे समभाग तर 5 वर्षानंतर उच्चांकावर कार्यरत होताना दिसले. हिंदुस्थान पेट्रोलियम कॉर्पोरेशन, इंडियन ऑईल कॉर्पोरेशन आणि भारत पेट्रोलियम कॉर्पोरेशन यांचे समभाग मंगळवारच्या सत्रात इंट्रा डे दरम्यान 6 टक्के इतके वधारले होते. या कंपन्यांनी सप्टेंबरच्या तिमाहीत दमदार नफ्यातील कामगिरी नोंदवल्याचे निमित्त होऊन त्याचा सकारात्मक परिणाम समभागांवर दिसून आला. ऑइल अँड नॅचरल गॅसचा समभागाने 2 टक्के वाढत 5 वर्षानंतर 317 या भावावर कार्यरत राहात उच्चांकी स्तर गाठला होता.