एक्साइड इंडस्ट्रीजचे समभाग 90 टक्क्यांनी वाढले

90 दिवसांमधील कामगिरीची नेंद : बॅटरी निर्मिती क्षेत्रात कंपनी कार्यरत

मुंबई :

बॅटरी निर्मिती क्षेत्रातील कंपनी एक्साइड इंडस्ट्रीज लिमिटेडच्या समभागांमध्ये मागील 90 दिवसांच्या कालावधीत 90 टक्क्यांनी वाढ झाली आहे. हे बीएसईच्या आकडेवारीवरून दिसून आले आहे. कंपनी जुलैमध्ये आर्थिक वर्ष 2024-25 (आर्थिक वर्ष 25) च्या पहिल्या तिमाहीचे निकाल देखील सादर करणार आहे.

बुधवार, 26 जून रोजी दुपारी 2 वाजेच्या सुमारास त्याचे शेअर्स 572 रुपये प्रति शेअर या दराने व्यवहार करत होते. आदल्या दिवशी, मंगळवार, 25 जून रोजी, एक्साइडच्या काउंटरवर चांगली खरेदी झाली, एकूण 4,31,03,514 समभागांची बीएसई आणि एनएसईवर देवाणघेवाण झाली.

शेअर बाजारात, बुधवारच्या सत्रात शेअरने एनएसईवर 8 टक्क्यांहून अधिक उसळी मारून 620.35 रुपयांचा नवा सार्वकालिक उच्चांक गाठला, तथापि, शेवटी केवळ 1 टक्क्यांच्या वाढीसह तो 579.65 रुपये प्रति शेअरवर बंद झाला.

30 जून 2024 रोजी संपलेल्या तिमाहीत कंपनीचे लेखापरीक्षण न केलेले आर्थिक निकाल विचारात घेण्यासाठी आणि मंजूर करण्यासाठी कंपनीचे संचालक मंडळ मंगळवार, 30 जुलै, 2024 रोजी भेटेल, असे बॅटरी निर्मात्याने 25 जून रोजी एका एक्सचेंज फाइलिंगमध्ये म्हटले आहे.