सेन्सेक्स प्रथमच 80,000 च्या शिखरावर
सेन्सेक्सची ऐतिहासिक कामगिरी , निफ्टीही मजबुतीसह बंद : आशियाई बाजारामुळे फायदा
वृत्तसंस्था /मुंबई
भारतीय भांडवली बाजारात चालू आठवड्यातील गुरुवारच्या सत्रात नवा विक्रम करत सेन्सेक्सने ऐतिहासिक नोंद करत 80,000 चे नवे शिखर सर केले आहे. यामध्ये बुधवारी सेन्सेक्स 80 हजाराच्या समीप पोहोचला होता परंतु त्याने दुसऱ्या दिवशीच्या सत्रात हा नवा विक्रम प्राप्त केला आहे. निफ्टीनेही आपली भक्कम स्थिती कायम ठेवल्याचे दिसून आले. जागतिक बाजारांमध्ये आशियातील बाजारांमधील तेजीचा फायदा हा भारतीय शेअर बाजाराला झाला आहे. तसेच दुसऱ्या ट्रेडिंगसह बाजार मजबूत राहिला.
दिग्गज कंपन्यांच्या मदतीने बीएसई सेन्सेक्स दिवसअखेर 62.87 अंकांच्या काहीशा तेजीसोबत निर्देशांक 80,049.67 वर पोहोचत नव्या विक्रमांची नोंद केली आहे. दुसऱ्या बाजूला राष्ट्रीय शेअर बाजाराचा निफ्टी हा दिवसअखेर 15.65 अंकांची हलकीशी तेजी प्राप्त करत निर्देशांक 24,302.15 वर बंद झाला आहे. सेन्सेक्समधील मुख्य कंपन्यांमध्ये एचसीएल टेकचे समभाग हे सर्वाधिक 2.69 टक्क्यांनी वधारले आहेत. यासह आयसीआयसीआय बँक, टाटा मोर्ट्स, सनफार्मा, टीसीएस, इन्फोसिस आणि कोटक बँक मुख्य समभाग नफा कमाईत राहिले आहेत. अन्य कंपन्यांमध्ये एचडीएफसी बँकेचे समभाग हे 2.26 टक्क्यांनी प्रभावीत होत बंद झाले आहेत. यासह बजाज फायनान्स, लार्सन अॅण्ड टुब्रो, टेक महिंद्रा, अल्ट्राटेक सिमेंट, टायटन, अदानी पोर्ट्सचे समभाग हे प्रामुख्याने घसरणीत राहिले आहेत.
यामुळे आली तेजी
अभ्यासकांच्या मतानुसार अमेरिकेकडून व्याजदर कमी होणार असल्याच्या संकेताने आयटी क्षेत्रातील समभाग हे 1.1 टक्क्यांनी वधारले आहेत. कारण आयटी कंपन्या अमेरिकेतून आपला महसूलामधून महत्त्वाचा हिस्सा प्राप्त करते. यामुळे याचा फायदा हा भारतीय शेअर बाजारातील गुंतवणूकदारांना झाला आहे. जागतिक बाजारांमधील सकारात्मक संकेतामुळे निफ्टी आणि सेन्सेक्समध्ये काहीशी तेजी राहिली होती. आगामी काळातील बाजाराची दिशा ही किती प्रमाणात मजबूत राहणार आहे, हे पाहणे आवश्यक असल्याचे शेअर बाजार अभ्यासकांनी यावेळी म्हटले आहे.
समभाग वधारलेल्या कंपन्या
- एचसीएल टेक 1522
- आयसीआयसीआय बँक 1233
- टाटा मोटर्स 998
- सनफार्मा 1557
- इन्फोसिस 1650
- टीसीएस 4020
- एचडीएफसी लाइफ 603
- कोटक महिंद्रा 1833
- कोल इंडिया 489
- महिंद्रा आणि महिंद्रा 2902
- ओएनजीसी 277
- डॉ. रे•िज लॅब्ज 6479
- एसबीआय लाइफ 1507
- अपोलो हॉस्पिटल 6225
- बजाज ऑटो 9460
- एशियन पेंटस् 2934
- भारती एअरटेल 1423
- आयटीसी 429
- रिलायन्स 3108
- एनटीपीसी 372
- अॅक्सिस बँक 1280
समभाग घसरलेल्या कंपन्या
- एचडीएफसी बँक 1727
- बजाज फायनान्स 7107
- विप्रो 530
- अदानी एंटरप्रायझेस 3144
- टेक महिंद्रा 1459
- बीपीसीएल 303
- लार्सन टुब्रो 3573
- टाटा कन्झु. 1135
- अल्ट्राटेक सिमेंट 11760
- इंडसइंड बँक 1442
- टायटन 3336
- जेएसडब्ल्यू स्टील 944
- श्रीराम फायनान्स 2833
- एचयुएल 2495
- बजाज फिनसर्व्ह 1585
- अदानी पोर्टस् 1503
- ब्रिटानिया 5426
- हिरो मोटोकॉर्प 5558
- डिव्हीस लॅब्ज 4544
- मारुती सुझुकी 12089
- ग्रासिम 2734