सेन्सेक्सने 74 हजाराची पातळी ओलांडली
सेन्सेक्स 486 अंकांनी तेजीत : फार्मा कंपन्या नफ्यात
मुंबई : गुरुवारी भारतीय शेअर बाजार पुन्हा एकदा चांगल्या तेजीसोबत बंद झालेला पाहायला मिळाला. सेन्सेक्स निर्देशांक 486 अंकांनी वधारत बंद झाला असून फार्मा आणि ऑटो निर्देशांकांनी बाजाराला तेजी राखत मजबुत आधार दिला. गुरुवारी सरतेशेवटी मुंबई शेअरबाजाराचा 30 समभागांचा सेन्सेक्स निर्देशांक 486 अंकांनी वधारत 74,339 अंकांवर बंद झाला होता तर दुसरीकडे राष्ट्रीय शेअर बाजाराचा निफ्टी निर्देशांक 168 अंकांच्या तेजीसमवेत 22570 अंकांवर बंद झाला. शेअरबाजारात गुरुवारी दिवसभरातल्या सत्रात अधुनमधून चढ-उताराचे वातावरण होते. बाजारात सत्रात एकावेळी सेन्सेक्सने 700 अंकांपर्यंत तेजी अनुभवली होती. निफ्टीनेही 22600 चा स्तर गाठला होता. भारतीय रिझर्व्ह बँकेने कोटक महिंद्रा बँकेवर निर्बंध लादल्याने यांचे समभाग सर्वाधिक नुकसानीत व्यवहार करत होते. पण इतर बँकांचे समभाग मात्र तेजीत होते. आयसीआयसीआय बँक, एचडीएफसी बँक, अॅक्सिस बँक यांचे समभाग मजबूत कामगिरी करत होते.
शेअरबाजारात निर्देशांकांची कामगिरी पाहिल्यास फार्मा आणि ऑटो निर्देशांक चमकताना दिसले. फार्मा आणि ऑटो अनुक्रमे 1.56 टक्के, 1.27 टक्के वधारत बंद झाले. निफ्टीतील सर्व निर्देशांक तेजीसोबत बंद झाले. शेअरबाजारात तेजी राखण्यात अॅक्सिस बँक, एसबीआय, डॉक्टर रे•िज लॅब्ज, जेएसडब्ल्यू स्टील, नेस्ले इंडिया, हिरो मोटोकॉर्प आणि सनफार्मा यांचा समावेश होता. तर दुसऱ्या बाजुला कोटक बँक, हिंदुस्थान युनिलिव्हर, एसबीआय लाइफ, टायटन, बजाज फायनान्स आणि टाटा कंझ्युमर यांचे समभाग नुकसानीसोबत बंद झाले. मल्टीबॅगर समभागांचा विचार केल्यास एचसीएल टेक, ओएनजीसी, टीसीएस, लार्सन टुब्रो व बीएचइएल यांच्यासह इन्फोसिस, विप्रो यांचे समभाग तेजीसमवेत बंद झाले. अदानी समुहातील 10 लिस्टेड कंपन्यांपैकी चार कंपन्यांच्या समभागात घसरण पाहायला मिळाली. एनडीटीव्हीचे समभाग 6 टक्के इतके दमदार वाढले हेते.
समभाग वधारलेल्या कंपन्या
- अॅक्सिस बँक 1127
- एसबीआय 812
- डॉ. रे•िज लॅब्ज 6218
- जेएसडब्ल्यू स्टील 905
- नेस्ले 2562
- हिरो मोटोकॉर्प 4498
- अदानी एंटरप्रायझेस 3115
- सन फार्मा 1520
- एनटीपीसी 359
- आयटीसी 437
- कोल इंडिया 452
- आयशर मोटर्स 4615
- महिंद्रा आणि महिंद्रा 2096
- बीपीसीएल 603
- हिंडाल्को 646
- एचसीएल टेक 1504
- अपोलो हॉस्पिटल 6384
- बजाज फिनसर्व्ह 1655
- आयसीआयसीआय बँक 1113
- इंडसइंड बँक 1496
- टाटा स्टील 167
- ग्रासिम 2367
- श्रीराम फायनान्स 2491
- पॉवरग्रिड कॉर्प 293
- टाटा मोटर्स 1001
- ओएनजीसी 281
- डिव्हीस लॅब्ज 3843
- अदानी पोर्टस् 1330
- रिलायन्स 2919
- सिप्ला 1406
- टीसीएस 3852
- इन्फोसिस 1438
- लार्सन टुब्रो 3652
समभाग घसरलेल्या कंपन्या
- कोटक महिंद्रा 1642
- एलटीआय माइंट्री 4634
- एचयुएल 2230
- एसबीआय लाइफ 1444
- टायटन 3571
- बजाज फायनान्स 7294
- एशियन पेंटस् 2861
- मारुती सुझुकी 12922
- एचडीएफसी बँक 1510