हेरवाडकरच्या दोन खेळाडूंची निवड

बेळगाव : हुबळी येथे झालेल्या राज्यस्तरीय एअर पिस्तुल शुटींग व बुद्धिबळ स्पर्धेत हेरवाडकर स्कूलच्या दोन विद्यार्थ्यांनी यश संपादन केले. ते राष्ट्रीय स्पर्धेसाठी पात्र ठरले आहेत. हुबळी येथे झालेल्या स्पर्धेत बेंगळूर, म्हैसूर, हुबळी येथून खेळाडू आले होते. एम. व्ही. हेरवाडकरचे खेळाडू राशी हालभावीने एअर पिस्तुलमध्ये रौप्यपदक तर बुद्धिबळ स्पर्धेत गीतेश सागेकरने सुवर्णपदक पटकाविले. या दोन्हीही खेळाडूंची राष्ट्रीय स्पर्धेसाठी निवड झाली आहे. त्यांना प्राचार्य शोभा कुलकर्णी यांचे प्रोत्साहन तर अनिल गोरे यांचे मार्गदर्शन लाभत आहे.