खानापूर मराठा मंडळ हायस्कूलच्या विद्यार्थ्यांची राज्यस्तरीय स्पर्धेसाठी निवड

खानापूर : मराठा मंडळ बेळगाव संचलित मराठा मंडळ हायर सेकंडरी स्कूल खानापूरच्या विद्यार्थ्यांनी जिल्हास्तरीय क्रीडा स्पर्धेत यश मिळविल्याने त्यांची राज्यस्तरीय स्पर्धेंसाठी निवड झाली आहे. यात ज्ञानेश्वर शिंदे 3000 मीटर धावणे प्रथम, वेदांत होसूरकर 1500 मीटर धावणे द्वितीय, भक्ती मनोहर गावडा कुस्ती स्पर्धेत प्रथम त्याचबरोबर 100 मीटर रिलेमध्ये द्वितीय क्रमांक पटकावला. या विद्यार्थ्यांना शाळेचे शारीरिक शिक्षक निलजकर व गोमानांचे, मुख्याध्यापक के. व्ही. कुलकर्णी यांचे मार्गदर्शन लाभले. संस्थेच्या अध्यक्षा राजश्री नागराजू, संचालक शिवाजीराव पाटील व परशुरामअण्णा गुरव यांचे प्रोत्साहन लाभत आहे. या यशाबद्दल विद्यार्थ्यांचे सर्वत्र कौतुक होत आहे.