हेरवाडकर स्कूलच्या खेळाडूंची निवड

बेळगाव : कर्नाटक राज्य शिक्षण विभाग बेंगळूर व सार्वजनिक शिक्षण खाते आयोजित शालेय क्रीडा विभागातर्फे घेण्यात आलेल्या स्पर्धेत एम. व्ही.  हेरवाडकर हायस्कुलच्या खेळाडूंनी दर्जेदार कामगिरी केली. प्रा. शोभा कुलकर्णी यांच्यावतीने त्यांचा सत्कार करण्यात आला. राज्यस्तरीय झालेल्या स्पर्धेत तन्वी कारेकर - जलतरण, 1 मी. डायव्हिंग सुवर्ण, 3 मी. डायव्हिंग सुवर्ण 50 मी बॅकस्ट्रोक कांस्य, कल्याणी आंबोळकरने-कुस्तीत 69 वजन गटामध्ये सुवर्ण, गीतेश सागेकर बुद्धीबळमध्ये रौप्य पदक पटकाविले. या सर्व खेळाडूंची राष्ट्रीय स्पर्धेसाठी निवड झाली आहे. त्यांना अनिल गोरे व के. ऐ हागीदळे यांचे प्रोत्साहन व मार्गदर्शन लाभत आहे.