चिटणीसच्या खेळाडूंची निवड

बेळगाव : रामदुर्ग तालुक्यातील चंदरगी स्पोर्टस् शाळेच्या मैदानावर सार्वजनिक शिक्षण खात्यातर्फे झालेल्या विभागीय माध्यमिक मुलींच्या शालेय हॉकी स्पर्धेत बेळगाव जिल्हा संघाने धारवाड संघाचा पराभव करत विजेतेपद पटकावले. या संघाची राज्यस्तरीय हॉकी स्पर्धेसाठी निवड झाली आहे. संघामध्ये जी .जी. चिटणीस शाळेच्या वैष्णवी इतनाळ, सेजल भावी, श्रेया गोलीहळी, या तीन खेळाडूंची राज्यस्तरीय हॉकी स्पर्धेसाठी निवड झाली आहे. बेळगाव जिल्हा विजेत्या हॉकी संघामध्ये निशा दोड्डमणी, भूमी लटकन, वैष्णवी नाईक, तनुश्री गावडे यांचा समावेश आहे. बेळगाव संघाने धारवाडचा 1-0 असा पराभव करीत स्पर्धेचे विजेतेपद पटकावले.