बेळगाव विमानतळामध्ये सुरक्षा सप्ताहाचे आयोजन

बेळगाव : सांबरा येथील बेळगाव विमानतळाच्यावतीने ‘एव्हिएशन सेफ्टी अवेअरनेस सप्ताहा’चे आयोजन करण्यात आले आहे. 24 ते 28 नोव्हेंबरदरम्यान या निमित्ताने विविध सुरक्षा कार्यक्रम घेतले जाणार आहेत. सोमवारी विमानतळ अधिकाऱ्यांच्या हस्ते दीपप्रज्वलनाने या कार्यक्रमाची सुरुवात झाली. विमानतळावरील अधिकाऱ्यांनी सुरक्षासंदर्भात माहिती दिली. विमानतळावर सुरक्षा किती महत्त्वाची आहे, एखाद्या लहानशा चुकीमुळे मोठी घटना कशी घडू शकते, या विषयी पोलिसांनी माहिती दिली. यावेळी राज्य पोलीस दलाचे अधिकारीदेखील उपस्थित होते. विमानतळ अधिकारी तसेच इंडिगो व स्टार एअरलाईन्सच्या कर्मचाऱ्यांना शपथ देण्यात आली.