SBI कडून व्याजदरात कपात

ऑनलाईन टीम / मुंबई : 

स्टेट बँक ऑफ इंडियाने मार्जिनल कॉस्ट ऑफ फंड्सवर आधारित कर्जदरात (MLCR) 0.05 ते 0.10 टक्क्यांची कपात करण्याचा निर्णय घेतला आहे. 10 जुलैपासून हे नवे दर लागू होतील. स्टेट बँकेकडून याबाबतची माहिती देण्यात आली आहे.

मागील महिन्यात देखील स्टेट बँकेने MLCR कर्ज दरात 0.25 टक्क्यांची कपात केली होती. त्यापूर्वी 0.15 टक्के अशी आतापर्यंत SBI ने 14 वेळा MLCR च्या व्याजदरात कपात केली आहे. त्यामुळे 10 जुलैपासून गृह कर्ज, वाहन कर्ज कमी दरात उपलब्ध होईल. तसेच MLCR शी संबंधित कर्जाचे हप्ते, ईबीआर कमी होईल. स्टेट बँकेचे सध्याचे MLCR चे व्याज दर सर्वात कमी असल्याचा दावाही बँकेने केला आहे. 

या कपातीनंतर स्टेट बँकेचा वार्षिक EBR 7.05 टक्क्यांवरून 6.65 टक्क्यांवर आला आहे. यापूर्वी  बँक ऑफ इंडिया, युको बँक आणि पंजाब नॅशनल बँक यांनीही रेपोसंलग्न कर्जदर आणि एमसीएलआर दर कमी केले आहेत.