मुसळधार पावसात सावंतवाडी तुंबली !

सावंतवाडी । प्रतिनिधी

सिंधुदुर्गात सकाळपासून कोसळधार ; येत्या काही तासात मुसळधार पावसाची शक्यता

सिंधुदुर्ग जिल्ह्यात आज अनेक ठिकाणी मुसळधार पावसाने हजेरी लावली . त्यामुळे नदीपात्रातील पाण्याच्या पातळीत देखील वाढ झाली आहे .सावंतवाडी शहरात झालेल्या मुसळधार पावसाने बाजारपेठेत पाणीच पाणी साचले होते . कमी कालावधीत जास्त पाऊस कोसळल्याने पाणी पातळीत देखील वाढ झाली . सकाळपासून सुरु झालेल्या पावसाचा जोर दुपारपर्यंत तसाच असल्याने नागरिकांची त्रेधातिरपीट उडाली . वाढलेल्या पाण्यातूनच वाट काढताना नागरिक दिसत होते .भारतीय हवामान विभागाकडून रत्नागिरी ,कोल्हापूर , आणि सिंधुदुर्ग जिल्ह्यात येत्या पुढील काही तासात मुसळधार पावसाचा इशारा देण्यात आला आहे. त्यामुळे नागरिकांनी सतर्क राहण्याचे आवाहन प्रशासनाच्या वतीने करण्यात येत आहे .