सरबज्योत, सुरुची विजयी
वृत्तसंस्था/ भोपाळ
येथे झालेल्या राष्ट्रीय रायफल-पिस्तुल नेमबाजी निवड चाचणी स्पर्धेत शेवटच्या दिवशी भारताचे नेमबाज सरबज्योत सिंग आणि सुरूची यांनी अनुक्रमे पुरूष आणि महिलांच्या 10 मी. एअर पिस्तुल टी-4 प्रकारात पहिले स्थान मिळविले. सदर स्पर्धा पॅरिस ऑलिम्पिक स्पर्धेसाठी कोटा पद्धतीकरीता महत्त्वाची समजली जाते.
पुरूषांच्या 10 मी. एअर पिस्तुल नेमबाजीत सरबज्योत सिंगने 244.8 गुणासह पहिले स्थान मिळविताना नौदलाच्या कुणाल राणाला मागे टाकले. कुणाल राणाने 243.9 गुणासह दुसरे तर गुरूप्रित सिंगने 222.6 गुणासह तिसरे स्थान मिळविले.
महिलांच्या 10 मी. एअर पिस्तुल नेमबाजीत हरियाणाची नेमबाज सुरूचीने 242.8 गुणासह पहिले स्थान घेतले. हरियाणाच्या सुरभी रावने दुसरे स्थान तर पालकने तिसरे स्थान मिळविले. अलिकडेच सुरूचीने खेलो इंडिया युवा क्रीडा स्पर्धेत या क्रीडा प्रकारात सुवर्णपदक मिळविले होते.