समगार हरळय्या संघटनेच्यावतीने अधिवेशनादरम्यान छेडणार आंदोलन

परवानगीसाठी अर्ज दाखल

बेळगाव : बेळगाव येथे होणाऱ्या कर्नाटक विधिमंडळाच्या हिवाळी अधिवेशनाच्यावेळी आपल्या विविध मागण्यांसाठी कर्नाटक राज्य समगार हर य्या संघटनेच्यावतीने आंदोलन छेडण्यात येणार आहे. 11 डिसेंबर रोजी यासाठी तारीख ठरविण्यात आली असून संघटनेच्यावतीने पोलीस दलाकडून परवानगीही मागण्यात आली आहे. समाजाचा मुख्य व्यवसाय चर्मोद्योग आहे. त्यामुळे श्री शिवशरण हरळय्या विकास निगमची स्थापना करून स्वतंत्र निधी उपलब्ध करून द्यावा, लीडकरची स्थापनाही चर्मकारांच्या कल्याणासाठी झाली तरी आतापर्यंत आमच्या समाजाला प्रतिनिधित्व मिळालेले नाही. त्यामुळे लीडकरमध्येही अध्यक्ष, संचालकपदासाठी समाजबांधवांचा विचार व्हावा आदी मागण्यांच्या पूर्ततेसाठी आंदोलन करण्यात येणार आहे. समाजाचे जिल्हाध्यक्ष गणेश काळे यांनी परवानगीसाठी एसीपी जे. रघू यांना अर्ज दिला आहे.