विजापूर विमानतळ विकासकामांसाठी 618 कोटी मंजूर

बेंगळूर : विजापूर ‘ग्रीनफिल्ड’ विमानतळाच्या विकासकामांसाठी 618.75 कोटी रुपयांच्या सुधारित आराखड्याला राज्य मंत्रिमंडळाने मंजुरी दिली आहे. गुरुवारी मुख्यमंत्र्यांच्या नेतृत्त्वाखाली झालेल्या मंत्रिमंडळ बैठकीत विजापूरमध्ये एटीआय विमानांऐवजी मोठी विमाने उतरण्यास अनुकूल व्हावे, यासाठे विमानतळ विकसित करण्याचा निर्णय घेण्यात आला आहे, अशी माहिती कायदामंत्री एच. के. पाटील यांनी दिली आहे. सुरुवातीला 347.92 कोटी रुपये खर्चाच्या या योजनेला मंजुरी देण्यात आली होती. आता अतिरिक्त अंदाजे खर्च 270.08 कोटींपर्यंत वाढविण्यात आला आहे.