कचरा डेपोवर दूरस्थ प्रणालीव्दारे लक्ष : आयुक्त
सांगली :
महापालिकेच्या वतीने कचरा डेपोवर लक्ष ठेवण्यासाठी दुरस्थ प्रणालीचा वापर होत असल्याने जागेवरील कामाचे मूल्यांकन व उत्तरदायित्व निश्चित करणे सोपे होऊन. दूरस्थ निरीक्षण वरिष्ठ अधिकारी यांना कार्यालयाबाहेर असतानाही प्रणालीवर नजर ठेवता येईल तसेच सर्व कामकाज लाईव्ह ट्रॅक होऊ शकते. असे महापालिकेचे आयुक्त सत्यम गांधी यांनी सांगितले.
या दुरस्थ प्रणालीमुळे कचरा व्यवस्थापन प्रक्रियेमध्ये पारदर्शकता निर्माण होऊन कमी मानवी हस्तक्षेप प्रणाली स्वयंचलित असल्याने चुकीची माहिती देणे, वेळेचा अपव्यय किंवा अकार्यक्षमता यावर नियंत्रण होणार आहे. ही स्मार्ट तंत्रज्ञानाधारित प्रणाली कचरा प्रक्रिया आणि वाहतुकीवर रिअल टाइम नियंत्रण व देखरेख ठेवण्यास मदत करणार आहे. ही एक अत्याधुनिक प्रणाली असून ती विविध प्रकारच्या सेन्सर्स, वें त्र्मेऱ्याव्दारे माहिती गोळा करते व ती माहिती नियंत्रण कक्षात पाठवते. यामुळे व्यवस्थापन अधिक वेगाने व अचूकतेने निर्णय घेऊ शकते.
समडोळी रोड कचरा डेपो सांगली आणि वड्डी बेडग रोड कचरा डेपो मिरज येथे सुरु केली असून प्रणालीद्वारे मिळणाऱ्या आकडेवारीचा वापर करून अधिक योजनाबद्ध कार्यक्षम धोरणे राबवली जातील, असा विश्वास व्यक्त केला आहे.
- घनकचरा व्यवस्थापनात स्मार्ट पाऊल
महापालिकेने शहराच्या स्वच्छतेसाठी एक महत्त्वाचे पाऊल टाकत, घनकचरा व्यवस्थापनावर अधिक प्रभावी नियंत्रण ठेवण्यासाठी समडोळी रोड सांगली आणि वडडी, बेडग रोड मिरज येथे दुरस्थ प्रणाली सुरु केली आहे. तंत्रज्ञानाच्या साहाय्याने पुणे शहर व इतर शहरे स्मार्ट व स्वच्छ शहर या दिशेने वेगाने वाटचाल करीत आहे, आता सांगली मिरज आणि कुपवाड महापालिका देखील वाटचाल करत आहे.
या प्रणालीमुळे प्रत्येक कचरा संकलन केंद्रावर काय चालले आहे, वाहने वेळेवर पोहोचत आहेत का, याची माहिती एका क्लिकवर उपलब्ध होणार आहे. डेपो पातळीवर रिअल टाईम माहिती मिळू लागली आहे आणि गाड्यांचे नियोजनही अचूक करता येते. हे संपूर्ण शहरासाठी गेमचेंजर ठरेल.
- या प्रणालीचे मुख्य कार्य आणि लाभ
रिअल-टाईम डेटा संकलन, ऑटोमेटेड रिपोर्टिंग दिवसाअखेरीस किती कचरा संकलित झाला, किती वेळ लागला, किती इंधन वापरले गेले. यावर आधारित अहवाल तयार होतो. दररोज, साप्ताहिक, मासिक कामाचा अहवाल तयार होतो. सदरच्या तंत्रज्ञानाच्या साहाय्याने मनपा वतीने कचरा डेपोवरील माहिती अद्ययावत केली जाणार आहे.