पीव्हीआर आयनॉक्सचा नफा घटला

पहिल्या तिमाहीपेक्षा नफा 19 टक्क्यांनी कमी: महसुलात झाली वाढ

वृत्तसंस्था/मुंबई

मल्टिप्लेक्स साखळी पीव्हीआर आयनॉक्सने 2024-25 च्या दुसऱ्या तिमाहीत 11.8 कोटी रुपयांचा तोटा नोंदवला आहे. गेल्या वर्षी याच तिमाहीत कंपनीला 166 कोटी रुपयांचा नफा झाला होता. जुलै-सप्टेंबर तिमाहीसाठी पीव्हीआरचा ऑपरेशन्समधून एकत्रित महसूल वर्षभराच्या तुलनेत 19 टक्क्यांनी कमी होऊन 1,622 कोटी रुपये होता. मागील वर्षी याच तिमाहीत कंपनीने 1999 कोटी रुपयांची कमाई केली होती. पीव्हीआरचा महसूल तिमाही आधारावर 36 टक्क्यांनी वाढला आहे मल्टिप्लेक्स चेन कंपनीचा तोटा 11.8 कोटी रुपये होता, जो मागील तिमाहीच्या (एप्रिल-जून 2024) तुलनेत 93.41 टक्क्यांनी कमी आहे. एप्रिल-जूनमध्ये तो 179 कोटी रुपये होता. त्यानंतर कंपनीने 1,191 कोटी रुपयांची कमाई केली होती. त्यानुसार, चालू तिमाहीत महसुलात 36 टक्क्यांनी वाढ झाली आहे.

पीव्हीआर समभागाचा नकारात्मक परतावा

मल्टिप्लेक्स साखळी पीव्हीआर आयनॉक्सचे शेअर्स मंगळवारी दुपारी 2:40 वाजता 1.78 टक्क्यांनी वाढून 1,618.35 वर व्यापार करत आहेत. एका महिन्यात 4.23 टक्के आणि यावर्षी 2.53 टक्के समभाग घसरले आहेत. गेल्या एका वर्षात कंपनीच्या समभागांनी 7.19 टक्के नकारात्मक परतावा दिला आहे.

पीव्हीआर आयनॉक्स कसे कमावते?

मल्टिप्लेक्स तीन प्रकारे कमाई होते

• बॉक्स ऑफिस: चित्रपट आणि इतर कार्यक्रमांची तिकिटे विकून पैसे कमवते
• अन्न आणि पेय: थिएटरमध्ये येणाऱ्या लोकांना खाद्यपदार्थ आणि पेये विकणे
• जाहिरात: चित्रपटांच्या आधी आणि दरम्यान जाहिराती दाखवणे

बॉक्स ऑफिस कलेक्शनमधील 30 टक्के हिस्सा आता पीव्हीआर आयनॉक्सकडे जातो. एकूण क्रीनमध्ये त्याचा 18 टक्के हिस्सा आहे. आयसीआयसीआय सिक्युरिटीजच्या मते, पीव्हीआर आयनॉक्सच्या एकूण कमाईमध्ये खाद्यपदार्थ आणि पेय उत्पादनांच्या विक्रीचा वाटा सुमारे 30 टक्के आहे.