For the best experience, open
https://m.tarunbharat.com
on your mobile browser.
Advertisement

पीव्ही सिंधू उपांत्यपूर्व फेरीत

06:00 AM Mar 29, 2024 IST | Tarun Bharat Portal
पीव्ही सिंधू उपांत्यपूर्व फेरीत

वृत्तसंस्था /माद्रिद

Advertisement

येथे सुरू असलेल्या विश्व बॅडमिंटन फेडरेशनच्या माद्रिद स्पेन मास्टर्स आंतरराष्ट्रीय बॅडमिंटन स्पर्धेत महिलांच्या एकेरीत भारताच्या पीव्ही सिंधूने चीन तैपेईच्या हुआंग यु सुनचा पराभव करत उपांत्यपूर्व फेरीत स्थान मिळविले आहे. या स्पर्धेतील गुरुवारी खेळविण्यात आलेल्या महिला एकेरीच्या सामन्यात सिंधूने चीन तैपेईच्या 63 व्या मानांकित हुआंग यु सुनचा केवळ 36 मिनिटांच्या कालावधीत 21-14, 21-12 अशा सरळ गेम्समध्ये फडशा पाडत शेवटच्या 8 खेळाडूत स्थान मिळविले. माजी विश्वविजेत्या सिंधूने गेल्या वर्षी या स्पर्धेत उपविजेतेपद पटकाविले होते. सिंधूचा पुढील फेरीतील सामना थायलंडची केटथाँग किंवा जपानची नात्सुकी निदायरा यापैकी एकीशी होईल. या स्पर्धेतून स्पेनची टॉप सिडेड कॅरोलिना मॅरिनने माघार घेतली आहे. तत्पूर्वी मॅरिनने अखिल इंग्लंड बॅडमिंटन चॅम्पियनशिप स्पर्धा आणि स्विस खुली बॅडमिंटन स्पर्धा जिंकली होती. माद्रिद बॅडमिंटन स्पर्धेचे विजेतेपद मिळविण्यासाठी सिंधू आतुरलेली आहे. 2022 साली झालेल्या सिंगापूर खुल्या सुपर 500 बॅडमिंटन स्पर्धेत विजेतेपद मिळविल्यानंतर तिला आतापर्यंत विश्व बॅडमिंटन टूरवरील एकही स्पर्धा जिंकता आलेली नाही.

Advertisement
Advertisement
Tags :
×

.