पुष्कर आंबिलकरचे यश

बेळगाव : उडुपी येथे कराटे बुडोकान इंटरनॅशनलतर्फे घेण्यात आलेल्या वरिष्ठ ब्लॅकबेल्ट परीक्षेत जीबीएस स्पोर्ट्सच्या पुष्कर आंबिलकरने डेन ब्लॅकबेल्ट पटकाविला. या परीक्षेत कर्नाटकातून 6 विद्यार्थ्यांनी भाग घेतला होता. डेन ब्लॅक बेल्ट ही पदवी मिळविणारा पुष्कर हा पहिला कराटेपटू आहे. पुष्कर याला प्रमुख पाहुणे लक्ष्मीनारायण आचार्य यांच्या हस्ते प्रमाणपत्र देऊन गौरविण्यात आले. त्याला कराटे मास्टर महारूद्र यमींचे मार्गदर्शन लाभत आहे.