जगजंपी-बजाजकडून मालिकावीराला पल्सर दुचाकी बक्षीस

साईराज चषक ऑल इंडिया क्रिकेट स्पर्धा

बेळगाव : साईराज स्पोर्ट्स क्लब आयोजित होणाऱ्या अखिल भारतीय खुल्या टेनिसबॉल क्रिकेट स्पर्धेतील जगजंपी- बजाज समूहाकडून मालिकावीर विजेता क्रिकेटपटूला बजाज पल्सर 150 सीसी ही दुचाकी मोटरसायकल बक्षीस म्हणून जाहीर करण्यात आली आहे. सोमवारी डॉ.आंबेडकर रोडवरील जगजंपी-बजाज शोरूम मध्ये झालेल्या छोट्याशा समारंभात साईराज स्पोर्ट्स फौंडेशनचे अध्यक्ष महेश फगरे यांनी जंगजंपी बजाज समूहाचे चेअरमन मल्लिकार्जुन जगजंपी व देवरथ जगजंपी यांना पुष्पगुच्छ देऊन स्वागत केले. यावेळी स्पर्धा संयोजक सेक्रेटरी आनंद चव्हाण, विजय धामणेकर, आदिनाथ गावडे, वेंकटेश नायक, अमित तांजी, परशुराम मास्कर यावेळी उपस्थित होते. ही क्रिकेट स्पर्धा 14 फेब्रुवारीपासून टिळकवाडीतील व्हॅक्सिन डेपो मैदानावर प्रारंभ होणार आहे. या स्पर्धेतील विजेत्या संघाला एक लाख 61 हजार रुपये व चषक तर उपविजेत्या संघाला एक लाख 1 हजार 111 रुपये व चषक देवून सन्मानित करण्यात येणार आहे. याशिवाय वैयक्तिक आकर्षक बक्षिसे देण्यात येणार आहे. इच्छूक संघानी  7 फेब्रुवारीपर्यंत नावनोंदणी करावी. या स्पर्धेत देशभरातील संघ सहभागी होणार आहेत. साईराज स्पोर्ट्स क्लबचे अध्यक्ष महेश फगरे व आनंद चव्हाण यांनी कळविले आहे.