नवीन इमारतांवर मराठी फलक न लावल्यास आंदोलन

इमारतींच्या लोकार्पणापूर्वी फलक लावण्याची म. ए. समितीची निवेदनाद्वारे मागणी

खानापूर : शहरात नव्याने बांधण्यात आलेल्या शासकीय इमारतीवर गुऊवार दि. 11 जुलैपर्यंत मराठीत फलक न लावल्यास उग्र आंदोलन करण्याचा इशारा महाराष्ट्र एकीकरण समितीने दिला आहे. तहसीलदार प्रकाश गायकवाड यांना याबाबतचे निवेदन देण्यात आले आहे. तालुका महाराष्ट्र एकीकरण समितीची बैठक येथील शिवस्मारक शिवस्मारकात झाली. बैठकीच्या अध्यक्षस्थानी समितीचे अध्यक्ष गोपाळ देसाई होते. दळवी यांनी स्वागत व प्रास्ताविक केले. बैठकीत पदाधिकाऱ्यांनी विचार मांडल्यानंतर शहरातील शासकीय कार्यालयावर मराठीत फलक लावण्यात आला नाही.

तसेच नव्याने बांधण्यात आलेले बसस्थानक, दवाखाना आणि हेस्कॉम कार्यालयावर मराठीत फलक लावण्यात आले नाहीत. सदर ठिकाणी मराठीत फलक लावण्यात यावेत याबाबतचे निवेदन मे महिन्यात यापूर्वी देण्यात आले होते. मात्र त्याची दखल घेण्यात आली नाही. शुक्रवार दि. 12 रोजी नवीन इमारतींचे लोकार्पण होणार आहे त्यापूर्वी या सर्व आस्थापनावर मराठीत फलक लावण्यात यावेत अन्यथा उग्र आंदोलनाचा निर्णय बैठकीत घेण्यात आला. तशा आशयाचे निवेदन तहसीलदार प्रकाश गायकवाड यांना निवेदन देण्यात आले. यावेळी शंकर पाटील, गोपाळ पाटील, पांडुरंग सावंत, रणजीत पाटील, शिवाजी पाटील, आर. एस. पाटील, निरंजन देसाई यासह समितीचे इतर पदाधिकारी उपस्थित होते.