प्रोस्टार्म इन्फोचे समभाग 19 टक्क्यांनी वधारले

वाढीसह समभाग 125 रुपयांवर सूचीबद्ध

मुंबई  :

प्रोस्टार्म इन्फो सिस्टम्स लिमिटेडचे समभाग 3 जून रोजी बीएसईवर 19.05 टक्के प्रीमियमवर 125 रुपयांवर सूचीबद्ध झाले. त्याच वेळी, त्यांचा शेअर एनएसईवर 14.29 टक्के प्रीमियमसह 120 रुपयांवर सूचीबद्ध झाला. त्यांच्या शेअर्सची इश्यू किंमत 105 रुपये प्रति शेअर होती. या इश्यूद्वारे कंपनीने 168 कोटी रुपये उभारले आहेत. आयपीओ 27 मे ते 29 मे 2025 पर्यंत सबक्रिप्शनसाठी खुला होता.

कंपनी त्यांच्या भांडवलाच्या गरजा पूर्ण करण्यासाठी आयपीओद्वारे उभारलेल्या निधीतील 72.5 कोटी रुपयांचा वापर करेल. 18 कोटी रुपये कर्ज परतफेडीसाठी वापरले जातील. याशिवाय, उर्वरित रक्कम सामान्य कॉर्पोरेट उद्देशांसाठी वापरली जाणार असल्याची माहिती कंपनीने दिली आहे. प्रोस्टार्म इन्फो सिस्टम्स कोणती कंपनी ऊर्जा साठवणूक आणि पॉवर कंडिशनिंग उपकरणे डिझाइन, उत्पादन आणि विक्री करते. कंपनी विविध पॉवर सोल्यूशन उत्पादने तयार करते, ज्यात यूपीएस सिस्टम, इन्व्हर्टर सिस्टम, सोलर हायब्रिड इन्व्हर्टर सिस्टम, लिथियम-आयन बॅटरी पॅक आणि व्होल्टेज स्टॅबिलायझर्स यांचा समावेश आहे.