आरपीडी कॉलेजमध्ये प्रेमचंद जयंती

बेळगाव :  एसकेई संस्थेच्या आरपीडी कॉलेजमध्ये ख्यातनाम हिंदी व उर्दू साहित्यिक मुन्शी प्रेमचंद यांची 144 वी जयंती साजरी करण्यात आली. प्रमुख पाहुणे म्हणून एसकेईचे चेअरमन डॉ. किरण ठाकुर उपस्थित होते. त्यांच्या हस्ते प्रेमचंद यांच्या प्रतिमेचे पूजन करण्यात आले. यावेळी प्रा. विजयकुमार पाटील यांनी प्रेमचंद यांच्या साहित्याचा परिचय करून दिला. याप्रसंगी आरपीडीचे प्राचार्य डॉ. अभय पाटील, पीयूच्या प्राचार्या सुजाता विजापुरे, डॉ. एम. एस. कुरणी, डॉ. रामकृष्ण एन. व प्राध्यापक उपस्थित होते. याच निमित्ताने प्रेमचंद यांचे साहित्य या विषयावर निबंध स्पर्धा घेण्यात आली. सकाळच्या सत्रात प्रा. विजयकुमार पाटील यांचे व्याख्यान झाले. अध्यक्षस्थानी राज्यशास्त्र विभागप्रमुख डॉ. एस. एच. पाटील होते. प्रा. रोहिणी पाटील यांनी आभार मानले.