बिजगर्णी ग्रामस्थांच्यावतीने प्रतीक्षा कदम हिचा सत्कार

वार्ताहर / किणये

प्रबळ इच्छाशक्ती आणि जिद्दीच्या जोरावर ढोलगरवाडी गावची कन्या प्रतीक्षा प्रकाश कदम हिची पोलीस उपनिरीक्षक पदासाठी निवड झाली आहे. महाराष्ट्र लोकसेवा आयोग स्पर्धा परीक्षेत  दैदीप्यमान यश मिळवून राज्यात मुलींमध्ये तिसरा क्रमांक घेऊन उत्तीर्ण झाली. यामुळे तिच्या मामाच्या गावी बिजगर्णी येथे ग्रामस्थांच्यावतीने गुऊवारी सायंकाळी भव्य सत्कार करण्यात आला. कार्यक्रमाच्या अध्यक्षस्थानी वसंत अष्टेकर हे होते.

के. आर. भास्कळ यांनी प्रास्ताविक करून उपस्थितांचे स्वागत केले. मान्यवरांच्या हस्ते दीप प्रज्वलन करण्यात आले.  बिजगर्णी ग्रा. पं. ग्रामस्थ मंडळ, ब्रह्मलिंग सोसायटी, तिरंगा युवक मंडळ, कावळेवाडी वाचनालय, सार्वजनिक गणेशोत्सव मंडळ, बेळवट्टी गावच्यावतीने एन. के. नलवडे आदी मान्यवरांनी शाल, श्रीफळ व स्मृतिचिन्ह देऊन  प्रतीक्षा यांचा सत्कार केला.

मनोहर बेळगावकर, अॅड. नामदेव मोरे, एन. के नलावडे,  वाय. पी. नाईक, परशराम भास्कर आदींची यावेळी भाषणे झाली. रेखा नाईक, प्रतीक्षा यांचे आई-वडील प्रकाश कदम व प्रियंका कदम, यशवंत जाधव, श्रीरंग भास्कर आदींसह गावकरी मोठ्या संख्येने उपस्थित होते.  आभार संदीप अष्टेकर यांनी मांडले.