प्रणील शर्माला दुहेरी मुकुट

वृत्तसंस्था / नवी दिल्ली

येथे झालेल्या आयटीएफ टेनिस स्पर्धेत पुरूष टेनिसपटू प्रणील शर्माने एकेरी आणि दुहेरीतील विजेतीपदे मिळवून दुहेरी मुकुट साधला.

आयटीएफ विश्व कनिष्ठ टेनिस टूर वरील 100 दर्जाच्या या स्पर्धेत शनिवारी झालेल्या एकेरीच्या सामन्यात पाचव्या मानांकीत प्रणील शर्माने ऐश्वर्य मेहराचा 6-3, 1-6, 7-6 (8-6) असा पराभव करत मुलांच्या एकेरीचे जेतेपद पटकाविले. त्यानंतर मुलांच्या दुहेरीतील अंतिम सामन्यात प्रणील शर्मा आणि आदित्य मोर यांनी टॉपसिडेड जोडी तेविश पेवा आणि समर्थ साहीता यांचा 6-4, 6-2 असा पराभव केला.