प्राजक्ताची राज्य स्पर्धेसाठी निवड

येळ्ळूर : बेळगाव येथील जिल्हा क्रीडांगणावर पार पडलेल्या 80 मी. अडथळा स्पर्धेत मराठी मॉडेल देसूरची विद्यार्थिनी प्राजक्ता प्रशांत पाटीलने 16.70 सेकंद वेळ घेत जिल्हास्तरीय स्पर्धेत सुवर्णपदक मिळविले. 16 नोव्हेंबर रोजी शिमोगा येथे होणाऱ्या राज्यस्तरीय स्पर्धेत ती सहभागी होणार आहे. तिला शाळेचे प्रभारी मुख्याध्यापक आनंद पाटील, क्रीडा शिक्षक व्ही. एम. गावडे, एसडीएमसीचे अध्यक्ष शांताराम कुप्पटगिरी यांच्यासह शिक्षकवर्गाचे मार्गदर्शन लाभत आहे.