पूजा नाईकची डिचोलीत अर्धा तास चौकशी

डिचोली : नोकरभरतीत लोकांकडून पैसे उकळल्या प्रकरणातील संशयित पूजा नाईक हिला चौकशीसाठी काल सोमवारी 10 नोव्हें. रोजी सकाळी डिचोली पोलिसस्थानकात बोलावण्यात आले होते. त्यानुसार सकाळी 11.30 वा. च्या सुमारास ती डिचोली पोलिस्थानकावर दखल झाली. सुमारे अर्धा तास चौकशीनंतर ती पोलिसस्थानकाच्या मागील दाराने बाहेर पडली. कॅश फॉर जॉब प्रकरणात प्रमुख संशयित असलेली पूजा नाईक डिचोली पोलिसस्थानकावर येताना पत्रकारांशी बोलली नाही. पोलिस निरीक्षक संजित कांदोळकर यांनी तिची उलटतपासणी करुन तिच्याकडून आवश्यक असलेली माहिती मिळविल्यानंतर तिला सोडण्यात आले. पोलिसस्थानकाच्या मागील दारातून पूजा नाईक बाहेर पडली. चौकशीत तिने नेमकी काय माहिती दिली ते समजू शकले नाही.