फिनिक्स चषक फुटबॉल स्पर्धेला प्रारंभ

बेळगाव : फिनिक्स स्कूल आयोजित फिनिक्स फौंडर विकचे औचित्य साधून आंतरशालेय फुटबॉल स्पर्धेत एमव्हीएम, केएलई, ज्योती सेंट्रल, विद्या निकेतन संघांनी आपल्या प्रतिस्पर्ध्यांवर मात केली. होनगा येथील फिनिक्स मैदानावरती स्पर्धेच्या उद्घाटन प्रसंगी प्रमुख पाहुणे म्हणून संस्थेचे अध्यक्ष माजी आमदार विवेक पाटील, शिवलाल कलाल, प्राचार्य डेव्हीड इब्राहीम, बास्को परेरा, जोसेफ परेरा, विद्या वगन्नावर, सौम्या भरनट्टी आदी मान्यवर उपस्थित होते. चेंडू लाथाडून व खेळाडूंची ओळख करुन स्पर्धेला प्रारंभ करण्यात आला. पहिल्या सामन्यात एमव्हीएम संघाने मराठी विद्यानिकेतन संघाचा 3-1 असा पराभव केला. दुसऱ्या सामन्यात केएलई इंटरनॅशनने फिनिक्स संघाचा 3-0 असा पराभव केला. संतमीरा संघाला ओरिएन्टल संघाला बरोबरीत रोखले. चौथ्या सामन्यात ज्योती सेंट्रलने मुक्तांगणाचा 2-0 अच पराभव केला. पाचव्या सामन्यात सेंटपॉल्स सेंटजॉन काकतीचा 2-0 असा पराभव केला. सहाव्या सामन्यात मराठी विद्यानिकेतनचा 1-0, सातव्या सामन्यात केएलई इंटरनॅशनने 1-0, आठव्या सामन्यात सेंट जॉनने शेख सेंट्रलचा 3-0 असा पराभव केला.