आंतर आरसीसी कुमार क्रिकेटमध्ये पणजी, मडगावचे विजय

क्रीडा प्रतिनिधी/ मडगाव

पॅरेंट्स ऑफ पेड आरसीसीने आयोजित केलेल्या 13 वर्षांखालील आंतर आरसीसी कुमार क्रिकेट स्पर्धेत पणजी आरसीसी व मडगाव आरसीसीने प्रतिस्पर्धी संघावर आकर्षक विजय नोंदविले. या स्पर्धेतील सामने पेडे क्रीडा संकुलातील मैदानावर खेळविण्यात येत आहेत.

पहिल्या लढतीत पणजी आरसीसीने साखळी आरसीसीचा 7 विकेट्सनी पराभव केला तर दुसऱया लढतीत मडगाव आरसीसीने साखळी आरसीसीला 6 विकेट्सनी पराभूत केले.

संक्षिप्त धावफलकः साखळी आरसीसी, 6 बाद 119 (समर्थ माने 54, श्रीसाई आपटे 17 धावा. अंकेश चेरीयन 2-28, दिगनाथ मनोहर, प्रांजली सिंग व रॉनीत भोसले प्रत्येकी एक बळी) पणजी आरसीसी, 11.2 षटकात 3 बाद 120 (अदीप मिस्कीन 45, प्रांजल सिंग 27, शौर्य चोडणकर नाबाद 16 धावा. श्रीसाई आपटे व समर्थ माने प्रत्येकी एक बळी). सामनावीर- अदीप मिस्कीन (पणजी आरसीसी).

साखळी आरसीसी, 22 षटकात सर्वबाद 98 (सूजय गावस 28, नारायण ठाकूर 13 धावा. विनीत कामत 3-12, तनिष्क नाईक 2-12, वर्तक केणी 2-19) पराभूत विरूद्ध  मडगाव आरसीसी, 6 बाद 99 (उझैर शेख 22, तनिष्क नाईक 19, अंश हरमलकर नाबाद 14 धावा. अर्णव सावंत 1-12, वंश कुडतरकर 1-13, श्रीसाई आपटे 1-5). सामनावीर- तनिष्क नाईक (मडगाव आरसीसी).