पाडलोस रवळनाथ देवाचा 7 रोजी जत्रोत्सव

प्रतिनिधी
बांदा
पाडलोस येथील श्री देव रवळनाथ माऊली पंचायतनचा वार्षिक जत्रोत्सव शनिवार दि. ७ डिसेंबर रोजी मोठ्या उत्साहाने साजरा होणार आहे. त्यानिमित्त दिवसभर विविध कार्यक्रम होणार आहेत. सकाळी श्रींची पुजाअर्चा व अभिषेक होईल. त्यानंतर ओटी भरणे, केळी ठेवणे, नवस बोलणे-फेडणे आदी कार्यक्रमांना सुरूवात होईल. रात्री सवाद्य पालखी प्रदक्षिणा व मध्यरात्री वालावलकर दशावतार नाट्यमंडळाचा नाट्यप्रयोग सादर करण्यात येणार आहे. भाविकांनी श्री दर्शनाचा लाभ घ्यावा असे आवाहन मानकरी व ग्रामस्थांतर्फे करण्यात आले आहे.