‘पाणी’ चित्रपटाचा ट्रेलर प्रदर्शित

प्रियांका चोप्राकडून निर्मिती

प्रियांका चोप्रा ही आता बॉलिवूडच नव्हे तर हॉलिवूडमधील प्रसिद्ध अभिनेत्री आहे. अभिनयासोबत चित्रपट निर्मितीतही ती सक्रीय आहे. तिच्या प्रॉडक्शन हाउसकडून निर्मित पाणी हा मराठी चित्रपट लवकरच प्रदर्शित होणार आहे. या चित्रपटाचा ट्रेलर प्रदर्शित करण्यात आला आहे. या चित्रपटात पाण्यासाठी संघर्ष करणाऱ्या एका व्यक्तीची कहाणी दाखविण्यात आली आहे.

प्रियांका चोप्रानेच या चित्रपटाचा ट्रेलर शेअर केला आहे. जेथे पाण्याची मोठी कमतरता आहे अशा जगात प्रेमच सर्वात मोठे साधन आहे. पाण्याच्या आव्हानाचा सामना करण्यासाठी मानवी क्षमता, अपेक्षा आणि बदलाचा हा पुरावा आहे. जेव्हा ध्यास आणि उद्देश एकत्र येतो, तेव्हा सर्व काही शक्य असल्याचे हा चित्रपट दाखवून देतो. पाणी हा चित्रपट 18 ऑक्टोबर रोजी प्रदर्शित होत आहे असे प्रियांकाने नमूद पेले आहे.

या चित्रपटाचे दिग्दर्शन आदिनाथ कोठारेने केले आहे. तो या चित्रपटात मुख्य भूमिकेत देखील आहे. त्याच्यासोबत रुचा वैद्य, सुबोध भावे, रजित कपूर, किशोर कदम, सचिन गोस्वामी, श्रीपाद जोशी आणि विकास पाटील हे कलाकार दिसून येणार आहेत. चित्रपटाची कहाणी नितिन दीक्षित यांनी लिहिली आहे.