ओदीशा अंतिम फेरीत दाखल

वृत्तसंस्था / अमृतसर

78 व्या संतोष करंडक राष्ट्रीय फुटबॉल चॅम्पियनशीप स्पर्धेत ओदीशाने अंतिम फेरीसाठी आपली पात्रता सिद्ध केली. शनिवारी येथे खेळविण्यात आलेल्या प. गटातील सामन्यात ओदीशाने छत्तीसगडचा 4-1 अशा गोलफरकाने पराभव केला.

ओदीशा फुटबॉल संघाने आपल्या गटातून आतापर्यंत दोन्ही सामने जिंकून 6 गुण मिळविले आहेत. त्यांनी प्रतिस्पर्धी संघावर दोन सामन्यात 10 गोल केले असून स्वत:वर दोन गोल करवून घेतले आहेत. छत्तीसगड विरुद्धच्या सामन्यात ओदीशातर्फे जितु मुदूलीने 1 गोल, कार्तिक हनतालने 2 गोल केले. छत्तीसगडतर्फे अविशेकने 1 गोल केला.