रम्याबद्दल अश्लील कमेंट; आरोपपत्र दाखल करण्याची सीसीबीकडून तयारी

बेंगळूर : सँडलवूड अभिनेत्री रम्याबद्दल अश्लील कमेंट केल्याप्रकरणी अटक करण्यात आलेल्या 12 आरोपींना अद्याप जामीन मिळालेला नाही. हे आरोपी गेल्या दोन महिन्यांपासून परप्पन अग्रहार तुऊंगात असून त्यांना जामिनही मिळालेला नाही. दरम्यान, सीसीबी पोलिसांकडून या प्रकरणाचा तपास पूर्णत्त्वाच्या टप्प्यात पोहोचला आहे. आणखी एका आठवड्यात आरोपपत्र दाखल करण्याची तयारी सुरू आहे. जुलैमध्ये अभिनेत्री रम्या हिने रेणुकास्वामी हत्याकांडात न्याय मिळाला पाहिजे, असे कमेंट केले होते. यावर प्रतिक्रिया देणाऱ्या अनेकांनी रम्या हिला अश्लील मेसेज केल्याबद्दल 43 अकाउंट्सविऊद्ध सायबर पोलीस स्थानकामध्ये गुन्हा दाखल केला होता. या प्रकरणाचा तपास हाती घेणाऱ्या सीसीबी पोलिसांनी राज्यभरातून बारा आरोपींना अटक करून तुऊंगात पाठवले होते. आतापर्यंत कोणत्याही आरोपीला जामीन मिळालेला नाही.