राहुलनी निवडणूक लढविण्याबाबत अद्याप निर्णय नाही : पालकमंत्री

बेळगाव : बेळगाव जिल्हा मध्यवर्ती सहकारी बँकेच्या (बीडीसीसी) निवडणुकीला काही दिवस बाकी आहेत. या बँकेच्या संचालकपदासाठी राहुल जारकीहोळी निवडणूक लढविण्याबाबत अद्याप निर्णय घेण्यात आलेला नसल्याचे पालकमंत्री सतीश जारकीहोळी यांनी स्पष्ट केले. शुक्रवारी माध्यमांसमोर ते बोलत होते. हुक्केरीमध्ये कायदा-सुव्यवस्था बिघडलेली नाही. मागील दोन दिवस तेथे घडलेल्या घटनांना आम्ही कारणीभूत नाही. बीडीसीसी बँक निवडणुकीसंबंधी आम्ही कोणालाही हायजॅक केलेले नाही. संस्थापक व संचालकांच्या जिल्ह्यात बीडीसीसी बँकेची निवडणूक होत आहे. प्रसंगानुरुप निवडणुकीच्या आखाड्यात उतरत आहेत, असे त्यांनी स्पष्ट केले आहे.