‘नयनतारा : बियाँड द फेयरी टेल’ नेटफ्लिक्सवर

नयनताराचा डॉक्यू फिल्म लवकरच

अभिनेत्री नयनतारा सध्या स्वत:च्या डॉक्यू फिल्मवरुन चर्चेत आहे. याचे नाव ‘नयनतारा : बियाँड द फेयरी टेल’ आहे. या चित्रपटात अभिनेत्रीच्या वैयक्तिक आयुष्याशी निगडित न ऐकलेल्या पैलूंना दाखविले जाणार आहे. हा डॉक्यू फिल्म चालू महिन्यात नेटफ्लिक्सवर प्रदर्शित होणार आहे. नेटफ्लिक्सने याचे पोस्टर जारी केले आहे.

डॉक्यूमेंट्री फिल्म ‘नयनतारा : बियाँड द फेयरी टेल’ची सुरुवात एका विवाहाची फिल्म म्हणून झाली होती. मग यात नंतर तिची यशस्वी कारकीर्द आणि तिच्या कौटुंबिक जीवनात ही फिल्म बदलली. सरोगसीद्वारे आई होणे आणि त्याच्याशी निगडित वादही यात दाखविण्यात आला आहे.

हा डॉक्यू फिल्म 18 नोव्हेंबर रोजी प्रदर्शित होणार आहे. त्याच दिवशी नयनताराचा वाढदिवस आहे. अशा स्थितीत ही फिल्म तिच्या चाहत्यांसाठी गिफ्ट ठरणार आहे. यापूर्वी याचा टीजर सादर करण्यात आला होता, ज्यात नयनतारा आणि विग्नेशला स्वत:च्या नाते आणि विवाहाच्या तयारीविषयी बोलताना दाखविण्यात आले होते.

नयनताराला लेडी सुपरस्टार या नावाने ओळखले जाते. ती सध्या टेस्ट आणि मन्नंगट्टी सिंस 1960 या दोन तमिळ चित्रपटांच्या प्रदर्शनाची प्रतीक्षा करत आहे. अभिनेता कविनसोबत एक चित्रपट तर निविन पॉलीसोबत डियर स्टुडंट्स या चित्रपटाचे चित्रिकरण ती करत आहे.