नक्षलवादी महिलेला तेलंगणात अटक

वृत्तसंस्था/ हैदराबाद

तेलंगणा राज्यातील मेहबूबनगरमध्ये सीसीएम पदावर तैनात असलेल्या एका नक्षलवादी महिलेला अटक करण्यात राज्य पोलिसांच्या ‘एसआयबी’ पथकाला यश आले आहे. अटक करण्यात आलेल्या नक्षलवादी महिलेवर एक कोटी ऊपयांचे बक्षीस होते. सुजाता नावाच्या या महिलेचा छत्तीसगडमधील सुकमा जिह्यातील अनेक मोठ्या घटनांमध्ये सहभाग होता. ही नक्षलवादी महिला तेलंगणातील मेहबूबनगर येथे उपचारासाठी गेली असताना तिला अटक करण्यात आली. सदर 60 वर्षीय महिला नक्षलवादी पद्मा, कल्पना, सुजाताक्का, मैनबाई, झांसीबाई अशा विविध नावांनी वावरत होती.