इटलीचा नेपोलीटेनो विजेता

वृत्तसंस्था/ बेंगळूर

एटीपी टूरवरील रविवारी येथे झालेल्या बेंगळूर खूल्या पुरूषांच्या टेनिस स्पर्धेत इटलीच्या स्टिफॅनो नेपोलीटेनोने दक्षिण कोरियाच्या हाँगचा पराभव करत अजिंक्यपद पटकाविले. नेपोलीटेनोचे चॅलेंजर स्पर्धेतील हे पहिलेच विजेतेपद आहे.

जवळपास 2 तास चाललेल्या एकेरीच्या अंतिम सामन्यात इटलीच्या सातव्या मानांकित नेपोलीटेनोने दक्षिण कोरियाच्या हाँगचा 4-6, 6-3, 6-3 असा पराभव केला. या स्पर्धेत भारताच्या सुमीत नागलला नेपोलीटेनोने उपांत्यफेरीत पराभूत केले होते.