नैतिक देसाईची निवड

बेळगाव : सार्वजनिक शिक्षण खात्यातर्फे घेण्यात आलेल्या जिल्हास्तरीय अॅथलेटिक्स स्पर्धेत केएलएस स्कूलचा विद्यार्थी नैतिक देसाई याची राज्यस्तरीय स्पर्धेसाठी कर्नाटक संघात निवड झाली आहे. जिल्हा क्रीडांगणावर झालेल्या जिल्हास्तरीय स्पर्धेत नैतिक देसाईने 4×400 अडथळा शर्यतीत सुवर्णपदक तर तिहेरी उडीत रौप्यपदक पटकाविले. त्याची बेंगळूर येथे होणाऱ्या राज्यस्तरीय अॅथलेटिक स्पर्धेसाठी निवड झाली असून तो बेंगळूरला रवाना झाला आहे. त्याला पी.जी.बडकुंद्री, मुख्याध्यापिका लक्ष्मी देशपांडे, ए. बी. शिंत्रे, उमेश बेळगुंदकर, क्रीडा शिक्षक उमेश मजुकर, कौशिक पाटील, यशोदा हदिनमनी यांचे मार्गदर्शन लाभत आहे.